abhi abhi wahi naghma abhi abhi matam

abhī abhī vahī naġhma abhī abhī mātam

abhī abhī vahī sho.ala abhī abhī shabnam

ye bū-e-gul ye salāsil ke shor kā aalam

bahut qarīb hai shāyad bahār kā mausam

musāfirān-e-mohabbat duā.eñ dete haiñ

ki sham-e-rāh banā hai hamārā naqsh-e-qadam

vo iqtizā-e-mohabbat bhī ḳhuub thā ai dost

ki be-ḳhudī meñ bhī rakhnā paḌā ḳhudī kā bharam

nazar tamām mohabbat badan tamām kashish

ruḳh-e-sabīh kī ra.anā.iyāñ tamām iram

qarār us ko bhī 'nāzim' zarā nasīb nahīñ

mire junūn-e-tajassus kā dekhiye aalam

abhi abhi wahi naghma abhi abhi matam

abhi abhi wahi shoala abhi abhi shabnam

ye bu-e-gul ye salasil ke shor ka aalam

bahut qarib hai shayad bahaar ka mausam

musafiran-e-mohabbat duaen dete hain

ki sham-e-rah bana hai hamara naqsh-e-qadam

wo iqtiza-e-mohabbat bhi KHub tha ai dost

ki be-KHudi mein bhi rakhna paDa KHudi ka bharam

nazar tamam mohabbat badan tamam kashish

ruKH-e-sabih ki ranaiyan tamam iram

qarar us ko bhi 'nazim' zara nasib nahin

mere junun-e-tajassus ka dekhiye aalam