abhi husn KHud se hai be-KHabar abhi ishq bhi hai nihan nihan

abhī husn ḳhud se hai be-ḳhabar abhī ishq bhī hai nihāñ nihāñ

na haiñ qisse rāz-o-niyāz ke na fasāne dil ke zabāñ zabāñ

kabhī bhuul saktā huuñ ham-nashīñ vo nigāh-e-ulfat-e-avvalīñ

vo samāñ thā kitnā hasīñ hasīñ thī vo shab bhī kitnī javāñ javāñ

tire ishq ne mujhe kar diyā ġham-e-do-jahāñ se hī be-niyāz

ki meñ ḳhār-zār-e-hayāt se bhī guzar rahā huuñ ravāñ ravāñ

mire dil kā haal jo ho so ho tire lab kā ġhuncha khilā rahe

rahe girtī nazroñ kī bijliyāñ mirā chāhe kāñpe ruvāñ ruvāñ

kabhī jañgaloñ meñ bhaTak ga.e kabhī sair kī hai chaman chaman

tirī yaad dard kasak magar rahī saath saath yahāñ vahāñ

na haram meñ terā nishāñ milā na sanam-kade meñ koī pata

ki na jaane terī talāsh meñ maiñ phirā bhaTaktā kahāñ kahāñ

tire husn-e-sabr-gudāz kī nahīñ taab is dil-e-zār ko

mirā bah gayā vo ġhurūr-e-ishq maiñ rahā huuñ kitnā kashāñ kashāñ

ye tirī ne badal diye mire rāste mirī manzileñ

ye jahāñ jahāñ mujhe le chalī maiñ chalā 'habīb' vahāñ vahāñ

abhi husn KHud se hai be-KHabar abhi ishq bhi hai nihan nihan

na hain qisse raaz-o-niyaz ke na fasane dil ke zaban zaban

kabhi bhul sakta hun ham-nashin wo nigah-e-ulfat-e-awwalin

wo saman tha kitna hasin hasin thi wo shab bhi kitni jawan jawan

tere ishq ne mujhe kar diya gham-e-do-jahan se hi be-niyaz

ki mein KHar-zar-e-hayat se bhi guzar raha hun rawan rawan

mere dil ka haal jo ho so ho tere lab ka ghuncha khila rahe

rahe girti nazron ki bijliyan mera chahe kanpe ruwan ruwan

kabhi jangalon mein bhaTak gae kabhi sair ki hai chaman chaman

teri yaad dard kasak magar rahi sath sath yahan wahan

na haram mein tera nishan mila na sanam-kade mein koi pata

ki na jaane teri talash mein main phira bhaTakta kahan kahan

tere husn-e-sabr-gudaz ki nahin tab is dil-e-zar ko

mera bah gaya wo ghurur-e-ishq main raha hun kitna kashan kashan

ye teri ne badal diye mere raste meri manzilen

ye jahan jahan mujhe le chali main chala 'habib' wahan wahan