abhi tak talKHi-e-mai mein kami malum hoti hai

abhī tak talḳhī-e-mai meñ kamī mā'lūm hotī hai

laboñ par ik balā kī tishnagī mā'lūm hotī hai

tasavvur meñ tumhārī muskurāhaT rach ga.ī shāyad

mujhe har shai masarrat se bharī mā'lūm hotī hai

sunā hai zindagī meñ kashmakash se log Darte haiñ

mujhe to kashmakash hī zindagī mā'lūm hotī hai

mirī mā'sūmiyat to dekh lo fart-e-mohabbat meñ

tumhārī be-ruḳhī bhī dil-lagī mā'lūm hotī hai

ḳhulūs-e-dil se kyā jazba numāyāñ kar diyā tum ne

ki har sūrat mujhe kuchh ajnabī mā'lūm hotī hai

kisī kī dostī meñ dushmanī kī bū to kyā aa.e

mujhe to dushmanī bhī dostī mā'lūm hotī hai

abhi tak talKHi-e-mai mein kami ma'lum hoti hai

labon par ek bala ki tishnagi ma'lum hoti hai

tasawwur mein tumhaari muskurahaT rach gai shayad

mujhe har shai masarrat se bhari ma'lum hoti hai

suna hai zindagi mein kashmakash se log Darte hain

mujhe to kashmakash hi zindagi ma'lum hoti hai

meri ma'sumiyat to dekh lo fart-e-mohabbat mein

tumhaari be-ruKHi bhi dil-lagi ma'lum hoti hai

KHulus-e-dil se kya jazba numayan kar diya tum ne

ki har surat mujhe kuchh ajnabi ma'lum hoti hai

kisi ki dosti mein dushmani ki bu to kya aae

mujhe to dushmani bhi dosti ma'lum hoti hai