abhi tak un ke wahi sitam hain jafa ki KHu bhi nahin gai hai

abhī tak un ke vahī sitam haiñ jafā kī ḳhū bhī nahīñ ga.ī hai

vo ranjisheñ bhī nahīñ ga.ī haiñ vo guftugū bhī nahīñ ga.ī hai

nasheman apnā uThā na yaañ se ḳhizāñ jo aa.ī to aa.ī bulbul

bahār ruḳhsat abhī huī hai guloñ kī bū bhī nahīñ ga.ī hai

ga.ī javānī to jaa.e dilbar mujhe hai ulfat hanūz baaqī

vo iltijā bhī nahīñ ga.ī hai vo justujū bhī nahīñ ga.ī hai

ye rashk-e-bulbul ki jaan dene ko tū abhī se taḌap rahī hai

abhī to hai bū-e-gul chaman meñ vo kū-ba-kū bhī nahīñ ga.ī hai

'shabāb' bosa liyā jo maiñ ne to kyā bigaḌ kar vo shoḳh bolā

adab zarā bhī nahīñ hai tujh ko hayā to chhū bhī nahīñ ga.ī hai

abhi tak un ke wahi sitam hain jafa ki KHu bhi nahin gai hai

wo ranjishen bhi nahin gai hain wo guftugu bhi nahin gai hai

nasheman apna uTha na yan se KHizan jo aai to aai bulbul

bahaar ruKHsat abhi hui hai gulon ki bu bhi nahin gai hai

gai jawani to jae dilbar mujhe hai ulfat hanuz baqi

wo iltija bhi nahin gai hai wo justuju bhi nahin gai hai

ye rashk-e-bulbul ki jaan dene ko tu abhi se taDap rahi hai

abhi to hai bu-e-gul chaman mein wo ku-ba-ku bhi nahin gai hai

'shabab' bosa liya jo main ne to kya bigaD kar wo shoKH bola

adab zara bhi nahin hai tujh ko haya to chhu bhi nahin gai hai