abhi to rabt ke aasar pae jate hain

abhī to rabt ke āsār paa.e jaate haiñ

ḳhayāl hī meñ sahī par vo aa.e jaate haiñ

jo kaif ban ke zamāne pe chhā.e jaate haiñ

vo giit sāz-e-rag-e-jāñ pe gaa.e jaate haiñ

fareb-e-ishq pe hañste haiñ jo vo kyā jāneñ

ye dhoke soch samajh kar hī khaa.e jaate haiñ

abhī umiid hai īfā-e-ahd kī mujh ko

abhī se taare ye kyoñ jhilmilā.e jaate haiñ

vo aa.e haiñ na kabhī ā.eñge yaqīñ hai magar

ham apnī bazm-e-tasavvur sajā.e jaate haiñ

harīm-e-nāz hai ye jalva-gāh-e-tūr nahīñ

yahāñ nazar nahīñ dil āzmā.e jaate haiñ

vo kahte haiñ mire ash.ār sun kar ai 'naḳhshab'

ġhazal kī aaḌ meñ shikve sunā.e jaate haiñ

abhi to rabt ke aasar pae jate hain

KHayal hi mein sahi par wo aae jate hain

jo kaif ban ke zamane pe chhae jate hain

wo git saz-e-rag-e-jaan pe gae jate hain

fareb-e-ishq pe hanste hain jo wo kya jaanen

ye dhoke soch samajh kar hi khae jate hain

abhi umid hai ifa-e-ahd ki mujh ko

abhi se tare ye kyon jhilmilae jate hain

wo aae hain na kabhi aaenge yaqin hai magar

hum apni bazm-e-tasawwur sajae jate hain

harim-e-naz hai ye jalwa-gah-e-tur nahin

yahan nazar nahin dil aazmae jate hain

wo kahte hain mere ashaar sun kar ai 'naKHshab'

ghazal ki aaD mein shikwe sunae jate hain