abhi uD kar bulandi se gira tha

abhī uḌ kar bulandī se girā thā

parinda shāḳh par sahmā huā thā

churā.e jā rahā thā mujh se nazreñ

yaqīnan vo mujhe pahchāntā thā

mohabbat meñ jo guzrī dil pe mere

use kuchh dil hī merā jāntā thā

falak-bosī mayassar aa ga.ī hai

magar kyā ḳhāksārī meñ maza thā

hamīñ sab faisle karte the apne

hamārī manzileñ thiiñ rāsta thā

ab ā.īna nahīñ ham dekhte haiñ

kabhī chehra hamārā phuul sā thā

tavaqqo' uTh ga.ī thī zindagī se

mu'ālij bhī mirā sahmā huā thā

vaqār ab kuchh nahīñ baaqī hai 'fārūq'

kabhī kirdār apnā aa.ina thā

abhi uD kar bulandi se gira tha

parinda shaKH par sahma hua tha

churae ja raha tha mujh se nazren

yaqinan wo mujhe pahchanta tha

mohabbat mein jo guzri dil pe mere

use kuchh dil hi mera jaanta tha

falak-bosi mayassar aa gai hai

magar kya KHaksari mein maza tha

hamin sab faisle karte the apne

hamari manzilen thin rasta tha

ab aaina nahin hum dekhte hain

kabhi chehra hamara phul sa tha

tawaqqo' uTh gai thi zindagi se

mu'alij bhi mera sahma hua tha

waqar ab kuchh nahin baqi hai 'faruq'

kabhi kirdar apna aaina tha