abr chhaya tha fazaon mein teri baaton ka
abr chhāyā thā fazāoñ meñ tirī bātoñ kā
kitnā dilkash thā vo manzar bharī barsātoñ kā
bujhtī sham.oñ ke ta.affun se bachāne tujh ko
maiñ ne āñchal meñ sameTā hai dhuāñ rātoñ kā
koī shahnā.ī se kah do zarā ḳhāmosh rahe
shor achchhā nahīñ lagtā mujhe bārātoñ kā
laakh darvāze hoñ chup aur darīche ḳhāmosh
chūḌiyāñ raaz ugaltī haiñ mulāqātoñ kā
dhuup bhī tez hai 'shabnam' kā bharosā bhī nahīñ
vaqt bhī baaqī nahīñ ab to munājātoñ kā
abr chhaya tha fazaon mein teri baaton ka
kitna dilkash tha wo manzar bhari barsaton ka
bujhti shamon ke taffun se bachane tujh ko
main ne aanchal mein sameTa hai dhuan raaton ka
koi shahnai se kah do zara KHamosh rahe
shor achchha nahin lagta mujhe baraaton ka
lakh darwaze hon chup aur dariche KHamosh
chuDiyan raaz ugalti hain mulaqaton ka
dhup bhi tez hai 'shabnam' ka bharosa bhi nahin
waqt bhi baqi nahin ab to munajaton ka
- Book : Mausam bhiigii aa.nkho.n kaa (Pg. 56)
- Author : Rafia Shabnam Abidi
- Publication : Hassan Publications, Mumbai (1985)
- Edition : 1985
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
