abr phir se uTha jhum kar barishon ko lapeTe hue

abr phir se uThā jhuum kar bārishoñ ko lapeTe hue

lauT aa.e parinde sabhī bāl-o-par ko sameTe hue

zindagī-bhar muḳhālif rahe maut ne ik jagah kar diyā

ai zamīñ terī āġhosh meñ dost dushman haiñ leTe hue

apne a.amāl kī hai sazā hukmrānī faqīrī banī

yaad haiñ vo ḳhazāne sabhī apne hāthoñ sameTe hue

merī jholī meñ beTe nahīñ phir bhī ḳhush huuñ maiñ ye soch kar

mustafā ke nasab ke amiiñ fātima ke hī beTe hue

har qayāmat guzar hī ga.ī ḳhush rahūñ yā ki ġhamgīn huuñ

aaj manzil pe pahuñchā magar apnī hastī sameTe hue

'shāhid' anvar tire hukm par haath phailā.e baiThā hai yuuñ

chañd ashkoñ kī sauġhāt aur kuchh duā.eñ sameTe hue

abr phir se uTha jhum kar barishon ko lapeTe hue

lauT aae parinde sabhi baal-o-par ko sameTe hue

zindagi-bhar muKHalif rahe maut ne ek jagah kar diya

ai zamin teri aaghosh mein dost dushman hain leTe hue

apne aamal ki hai saza hukmrani faqiri bani

yaad hain wo KHazane sabhi apne hathon sameTe hue

meri jholi mein beTe nahin phir bhi KHush hun main ye soch kar

mustafa ke nasab ke amin fatima ke hi beTe hue

har qayamat guzar hi gai KHush rahun ya ki ghamgin hun

aaj manzil pe pahuncha magar apni hasti sameTe hue

'shahid' anwar tere hukm par hath phailae baiTha hai yun

chand ashkon ki saughat aur kuchh duaen sameTe hue