abru hai kaba aaj se ye nam rakh diya

abrū hai ka.aba aaj se ye naam rakh diyā

ham ne uThā ke taaq pe islām rakh diyā

nashshe meñ jā girā jo maiñ masjid meñ sar ke bal

zāhid ne mujh pe sajde kā ilzām rakh diyā

jhichkā vo ḳhauf khā ke to maiñ ne taḌap ke ḳhud

barchhī kī nok par dil-e-nākām rakh diyā

dilchasp naam sun ke lage māñgne hasīñ

kis ne zarā se ḳhuun kā dil naam rakh diyā

itnī to us ne kī mirī dil-soziyoñ kī qadr

turbat pe ik charāġh sar-e-shām rakh diyā

juuḌā jo bañdh gayā to na.e dil kahāñ phañseñ

tū ne idhar lapeT ke kyuuñ daam rakh diyā

aañkh is adā se us ne dikhā.ī ki maiñ ne 'shauq'

chupke se apnā mai kā bharā jaam rakh diyā

abru hai kaba aaj se ye nam rakh diya

hum ne uTha ke taq pe islam rakh diya

nashshe mein ja gira jo main masjid mein sar ke bal

zahid ne mujh pe sajde ka ilzam rakh diya

jhichka wo KHauf kha ke to main ne taDap ke KHud

barchhi ki nok par dil-e-nakaam rakh diya

dilchasp nam sun ke lage mangne hasin

kis ne zara se KHun ka dil nam rakh diya

itni to us ne ki meri dil-soziyon ki qadr

turbat pe ek charagh sar-e-sham rakh diya

juDa jo bandh gaya to nae dil kahan phansen

tu ne idhar lapeT ke kyun dam rakh diya

aankh is ada se us ne dikhai ki main ne 'shauq'

chupke se apna mai ka bhara jam rakh diya