achchha hai ya KHarab mujhe kuchh pata nahin

achchhā hai yā ḳharāb mujhe kuchh pata nahīñ

duniyā tirā hisāb mujhe kuchh pata nahīñ

muddat se niiñd āñkhoñ meñ aa.ī nahīñ mirī

kahte haiñ kis ko ḳhvāb mujhe kuchh pata nahīñ

us ne kiyā savāl tujhe mujh se pyaar hai

maiñ ne diyā javāb mujhe kuchh pata nahīñ

bhītar se mere koī mujhe de rahā sadā

hai kaun ye janāb mujhe kuchh pata nahīñ

aañsū atā kiye haiñ jo mahbūb aap ne

zamzam haiñ yā sharāb mujhe kuchh pata nahīñ

itnā pata hai qarz tirā mujh pe hai sanam

is kā magar hisāb mujhe kuchh pata nahīñ

mujh ko kabhī bhī din ke ujāle nahīñ mile

kaisā hai āftāb mujhe kuchh pata nahīñ

saaqī na mujh se pūchh mirī tishnagī kī had

thoḌī sī de sharāb mujhe kuchh pata nahīñ

achchha hai ya KHarab mujhe kuchh pata nahin

duniya tera hisab mujhe kuchh pata nahin

muddat se nind aankhon mein aai nahin meri

kahte hain kis ko KHwab mujhe kuchh pata nahin

us ne kiya sawal tujhe mujh se pyar hai

main ne diya jawab mujhe kuchh pata nahin

bhitar se mere koi mujhe de raha sada

hai kaun ye janab mujhe kuchh pata nahin

aansu ata kiye hain jo mahbub aap ne

zamzam hain ya sharab mujhe kuchh pata nahin

itna pata hai qarz tera mujh pe hai sanam

is ka magar hisab mujhe kuchh pata nahin

mujh ko kabhi bhi din ke ujale nahin mile

kaisa hai aaftab mujhe kuchh pata nahin

saqi na mujh se puchh meri tishnagi ki had

thoDi si de sharab mujhe kuchh pata nahin