achchha jo bura aapne chaha na kisi ka

achchhā jo burā aap ne chāhā na kisī kā

dīvāna kyuuñ na ho dil-e-farzāna kisī kā

maanā ki hai us shoḳh se yārāna kisī kā

dam bhartā hai phir kyuuñ dil-e-dīvāna kisī kā

lau us kī faqat sham-e-risālat se lagī hai

mushtāq nahīñ bazm meñ parvāna kisī kā

aate nahīñ is rashk se vo ḳhāna-e-dil meñ

ābād na ho jaa.e ye vīrāna kisī kā

ai dil hai abas us se tamannā-e-mulāqāt

vo shoḳh na hogā kabhī apnā na kisī kā

un ke dur-e-dandāñ ke tasavvur meñ shab-e-hijr

har ashk dam-e-girya hai durdāna kisī kā

jaane se tire aa.e mire dil meñ ġham-o-rañj

pahle to sivā tere guzar thā na kisī kā

hargiz na sune vo gul-o-bulbul kī kahānī

ho gosh-zad us ke agar afsāna kisī kā

bole vo hujūm-e-ġham-o-hasrat ko jo dekhā

kyuuñ is meñ raheñ ham ki hai kāshāna kisī kā

kuchh duur nahīñ manzil-e-maqsūd yahāñ se

de saath agar himmat-e-mardāna kisī kā

aapas meñ jhagaḌte haiñ agar shaiḳh-o-barahman

masjid hī kisī kī hai na but-ḳhāna kisī kā

phir gulshan-e-jannat kī na ho aarzū us ko

maskan hai agar kūcha-e-jānāna kisī kā

allāh re rutba ki huā qais qadam-bos

sahrā meñ jo pahuñchā koī dīvāna kisī kā

bhaTTī meñ jo ho dafn koī bāda-kash-e-riñd

gumbad abhī ho jā.egā ḳhum-ḳhāna kisī kā

allāh re tajāhul mire ahbāb se pūchhā

dīvāna hai kyā 'sābir'-e-farzāna kisī kā

achchha jo bura aap ne chaha na kisi ka

diwana kyun na ho dil-e-farzana kisi ka

mana ki hai us shoKH se yarana kisi ka

dam bharta hai phir kyun dil-e-diwana kisi ka

lau us ki faqat sham-e-risalat se lagi hai

mushtaq nahin bazm mein parwana kisi ka

aate nahin is rashk se wo KHana-e-dil mein

aabaad na ho jae ye virana kisi ka

ai dil hai abas us se tamanna-e-mulaqat

wo shoKH na hoga kabhi apna na kisi ka

un ke dur-e-dandan ke tasawwur mein shab-e-hijr

har ashk dam-e-girya hai durdana kisi ka

jaane se tere aae mere dil mein gham-o-ranj

pahle to siwa tere guzar tha na kisi ka

hargiz na sune wo gul-o-bulbul ki kahani

ho gosh-zad us ke agar afsana kisi ka

bole wo hujum-e-gham-o-hasrat ko jo dekha

kyun is mein rahen hum ki hai kashana kisi ka

kuchh dur nahin manzil-e-maqsud yahan se

de sath agar himmat-e-mardana kisi ka

aapas mein jhagaDte hain agar shaiKH-o-barahman

masjid hi kisi ki hai na but-KHana kisi ka

phir gulshan-e-jannat ki na ho aarzu us ko

maskan hai agar kucha-e-jaanana kisi ka

allah re rutba ki hua qais qadam-bos

sahra mein jo pahuncha koi diwana kisi ka

bhaTTi mein jo ho dafn koi baada-kash-e-rind

gumbad abhi ho jaega KHum-KHana kisi ka

allah re tajahul mere ahbab se puchha

diwana hai kya 'sabir'-e-farzana kisi ka