achchha sa iKHtitam bhi tum se na ho saka
achchhā sā iḳhtitām bhī tum se na ho sakā
is martaba salām bhī tum se na ho sakā
suljhīñ na gutthiyāñ kabhī bāhar ke ḳhauf kī
andar kā ehtirām bhī tum se na ho sakā
bachchoñ ne aag oḌh lī chīḳhoñ ke shor meñ
aise meñ kuchh kalām bhī tum se na ho sakā
ḳharcha na ghar kā chal sakā harfoñ ko bech kar
lahja badal ke naam bhī tum se na ho sakā
apnā hī ghar sambhālnā bhī kaam hai koī
itnā zarā sā kaam bhī tum se na ho sakā
achchha sa iKHtitam bhi tum se na ho saka
is martaba salam bhi tum se na ho saka
suljhin na gutthiyan kabhi bahar ke KHauf ki
andar ka ehtiram bhi tum se na ho saka
bachchon ne aag oDh li chiKHon ke shor mein
aise mein kuchh kalam bhi tum se na ho saka
KHarcha na ghar ka chal saka harfon ko bech kar
lahja badal ke nam bhi tum se na ho saka
apna hi ghar sambhaalna bhi kaam hai koi
itna zara sa kaam bhi tum se na ho saka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
