ada karti hun shukrana main in haalat ka apne

adā kartī huuñ shukrāna maiñ in hālāt kā apne

diye haiñ jis ne merī jāgtī āñkhoñ ko ye sapne

na samjho zindagānī ko ki hai ye sej phūloñ kī

ka.ī kāñTe haiñ rāhoñ meñ sar-e-manzil ka.ī raḳhne

munavvar jin kā ghar karne nasheman ko jalā Daalā

vahī pūchhe haiñ ab ham se ki kab jāoge ghar apne

kitāb-e-zindagī merī samajh meñ kuchh nahīñ aatī

vahī kātib vahī munsif 'amal hai sirf sar apne

muqaddar meñ jo likkhā hai kabhī vo Tal nahīñ saktā

batāyā hai magar dār-ul-'amal duniyā ko to rab ne

mirī ḳhāmoshiyoñ se tum mujhe kamzor mat samjho

takallum ke binā bhī mā’rke haiñ sar kiye ham ne

ada karti hun shukrana main in haalat ka apne

diye hain jis ne meri jagti aankhon ko ye sapne

na samjho zindagani ko ki hai ye sej phulon ki

kai kanTe hain rahon mein sar-e-manzil kai raKHne

munawwar jin ka ghar karne nasheman ko jala Dala

wahi puchhe hain ab hum se ki kab jaoge ghar apne

kitab-e-zindagi meri samajh mein kuchh nahin aati

wahi katib wahi munsif 'amal hai sirf sar apne

muqaddar mein jo likkha hai kabhi wo Tal nahin sakta

bataya hai magar dar-ul-'amal duniya ko to rab ne

meri KHamoshiyon se tum mujhe kamzor mat samjho

takallum ke bina bhi ma’rke hain sar kiye hum ne