adaen zalim nigahen qatil sarapa KHanjar milenge kaise

adā.eñ zālim nigāheñ qātil sarāpā ḳhanjar mileñge kaise

laboñ pe ta.ane hai talḳh lahja hai qalb patthar mileñge kaise

zamāne vaale burā kaheñge bhalā kaheñge na jiine deñge

agarche aate na jaate dekhā tumhāre ghar par mileñge kaise

agar divāroñ ke kaan hote haiñ phir to āñkheñ bhī hotī hoñgī

to phir batāo mohabbatoñ kā mahal sajā kar mileñge kaise

na tere ghar vaale raazī hoñge na mere ghar vaale raazī hoñge

na mujh se aatā hai koī jaadū na koī mantar mileñge kaise

savāl āḳhir maiñ kar rahā huuñ javāb āḳhir durust denā

mazāq chhoḌo batā bhī do ab ai mere dilbar mileñge kaise

agarche milnā hai tum ko mujh se to koī dīgar jagah batāo

tamām ahbāb hoñge mere so ghanTa-ghar par mileñge kaise

kiyā jo iz.hār-e-ishq maiñ ne to ro ke kahne lagā ye hamdam

mujhe bhī behad hai ishq tum se batāo 'mahvar' mileñge kaise

adaen zalim nigahen qatil sarapa KHanjar milenge kaise

labon pe tane hai talKH lahja hai qalb patthar milenge kaise

zamane wale bura kahenge bhala kahenge na jine denge

agarche aate na jate dekha tumhaare ghar par milenge kaise

agar diwaron ke kan hote hain phir to aankhen bhi hoti hongi

to phir batao mohabbaton ka mahal saja kar milenge kaise

na tere ghar wale raazi honge na mere ghar wale raazi honge

na mujh se aata hai koi jadu na koi mantar milenge kaise

sawal aaKHir main kar raha hun jawab aaKHir durust dena

mazaq chhoDo bata bhi do ab ai mere dilbar milenge kaise

agarche milna hai tum ko mujh se to koi digar jagah batao

tamam ahbab honge mere so ghanTa-ghar par milenge kaise

kiya jo izhaar-e-ishq main ne to ro ke kahne laga ye hamdam

mujhe bhi behad hai ishq tum se batao 'mahwar' milenge kaise