adam mein kya ajab ranaiyan hain
adam meñ kyā ajab ra.anā.iyāñ haiñ
magar sab dahr kī parchhā.iyāñ haiñ
bhalī lagtī nahīñ takrār itnī
ba-zāhir be-zarar sachchā.iyāñ haiñ
vo ḳhud sho.ale se ab dāman bachā.e
bahut rusvā mirī tanhā.iyāñ haiñ
maiñ apne vaar khā kar aur biphrūñ
ġhazab kī mārka-ārā.īyāñ haiñ
hai aalam ek jaisā har ḳhushī kā
alam kī an-ginat pahnā.iyāñ haiñ
junūñ ke sar hai jo ilzām 'shāhīn'
havas kī hāshiya-ārā.iyāñ haiñ
adam mein kya ajab ranaiyan hain
magar sab dahr ki parchhaiyan hain
bhali lagti nahin takrar itni
ba-zahir be-zarar sachchaiyan hain
wo KHud shoale se ab daman bachae
bahut ruswa meri tanhaiyan hain
main apne war kha kar aur biphrun
ghazab ki marka-araiyan hain
hai aalam ek jaisa har KHushi ka
alam ki an-ginat pahnaiyan hain
junun ke sar hai jo ilzam 'shahin'
hawas ki hashiya-araiyan hain
- Book : Be-nishaan (Pg. 167)
- Author : wali aalam Shahiin
- Publication : Dabistan-e-jadeed (1984)
- Edition : 1984
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
