adu kahte hain main achchha nahin hun

adū kahte haiñ maiñ achchhā nahīñ huuñ

burā huuñ kyūñki un jaisā nahīñ huuñ

dar-o-dīvār haiñ hamrāz mere

akelā huuñ magar tanhā nahīñ huuñ

uThāyā thā mujhe pahlū se tū ne

kisī pahlū meñ phir baiThā nahīñ huuñ

darūn-e-dil tirī yādeñ haiñ ab bhī

maiñ tujh ko bhuul to paayā nahīñ huuñ

bichhaḌ kar bhī hañsūñ ḳhush-bāsh rah luuñ

munāfiq huuñ magar itnā nahīñ huuñ

kisī ke bas meñ ho to paar kar le

maiñ gahrā huuñ magar mailā nahīñ huuñ

samajhtī hai mujhe vo dūsroñ sā

magar maiñ dūsroñ jaisā nahīñ huuñ

alī kā chāhne vaalā thā so maiñ

akelā thā magar bhāgā nahīñ huuñ

adu kahte hain main achchha nahin hun

bura hun kyunki un jaisa nahin hun

dar-o-diwar hain hamraaz mere

akela hun magar tanha nahin hun

uThaya tha mujhe pahlu se tu ne

kisi pahlu mein phir baiTha nahin hun

darun-e-dil teri yaaden hain ab bhi

main tujh ko bhul to paya nahin hun

bichhaD kar bhi hansun KHush-bash rah lun

munafiq hun magar itna nahin hun

kisi ke bas mein ho to par kar le

main gahra hun magar maila nahin hun

samajhti hai mujhe wo dusron sa

magar main dusron jaisa nahin hun

ali ka chahne wala tha so main

akela tha magar bhaga nahin hun