adu ki yar ki aisi ki taisi

adū kī yaar kī aisī kī taisī

guloñ kī ḳhaar kī aisī kī taisī

pilā de sāqiyā mai aaj phir se

is istiġhfār kī aisī kī taisī

mirā dil us taraf maa.il nahīñ hai

lab-o-ruḳhsār kī aisī kī taisī

gulū patthar banegā ishq-e-haq meñ

chhurī kī dhaar kī aisī kī taisī

qafas meñ rahne kā ḳhūgar huā huuñ

gul-o-gulzār kī aisī kī taisī

'salīm' ab sher yuuñ hī bak rahā hai

fan-o-me.ār kī aisī kī taisī

adu ki yar ki aisi ki taisi

gulon ki KHar ki aisi ki taisi

pila de saqiya mai aaj phir se

is istighfar ki aisi ki taisi

mera dil us taraf mail nahin hai

lab-o-ruKHsar ki aisi ki taisi

gulu patthar banega ishq-e-haq mein

chhuri ki dhaar ki aisi ki taisi

qafas mein rahne ka KHugar hua hun

gul-o-gulzar ki aisi ki taisi

'salim' ab sher yun hi bak raha hai

fan-o-mear ki aisi ki taisi