adu ko maine puchha kaun ye sarkar baiThe hain

adū ko maiñ ne pūchhā kaun ye sarkār baiThe haiñ

to saale ne kahā hañs kar hamāre yaar baiThe haiñ

kahīñ lailā kā yā lailā kī maañ kā sar utāreñge

janāb-e-qais jo bāñdhe hue talvār baiThe haiñ

abe ye ghar hai terā yā koī bhaTiyār-ḳhāna hai

kahīñ do-chār leTe haiñ kahīñ do chaar baiThe haiñ

gadāgad ho rahī hai vasl kī shab terī ḳhalvat meñ

palañg par ek leTā hai to nīche chaar baiThe haiñ

savāl-e-bosa-e-gesū pe barham ho ke farmāyā

ham in gustāḳhiyoñ se muñh pe juute maar baiThe haiñ

kahā karte haiñ vālid 'būm' ke josh-e-mohabbat meñ

nahīñ ma.alūm kis jangal meñ bar-ḳhurdār baiThe haiñ

adu ko main ne puchha kaun ye sarkar baiThe hain

to sale ne kaha hans kar hamare yar baiThe hain

kahin laila ka ya laila ki man ka sar utarenge

janab-e-qais jo bandhe hue talwar baiThe hain

abe ye ghar hai tera ya koi bhaTiyar-KHana hai

kahin do-chaar leTe hain kahin do chaar baiThe hain

gadagad ho rahi hai wasl ki shab teri KHalwat mein

palang par ek leTa hai to niche chaar baiThe hain

sawal-e-bosa-e-gesu pe barham ho ke farmaya

hum in gustaKHiyon se munh pe jute mar baiThe hain

kaha karte hain walid 'bum' ke josh-e-mohabbat mein

nahin malum kis jangal mein bar-KHurdar baiThe hain