afkar-e-hasin le ke ghazal aaj tak aai

afkār-e-hasīñ le ke ġhazal aaj tak aa.ī

yuuñ 'dāġh' se hotī huī 'merāj' tak aa.ī

mere dil-e-muztar kī taraf aa.ī tirī yaad

yuuñ bād-e-sabā gulshan-e-tārāj tak aa.ī

qadmoñ ne tire dhuul uḌaa.ī jo safar meñ

ai shaah vahī gard tire taaj tak aa.ī

ḳhairāt kī taqsīm amīroñ ne kī be-shak

ḳhairāt kahāñ dāman-e-muhtāj tak aa.ī

daulat ke liye apnī anā bech dī us ne

us shaḳhs ko lekin na zarā laaj tak aa.ī

jo baat bhī maiñ ne kahī mahbūb se 'merāj'

kūche se nikal kar vahī minhāj tak aa.ī

afkar-e-hasin le ke ghazal aaj tak aai

yun 'dagh' se hoti hui 'meraj' tak aai

mere dil-e-muztar ki taraf aai teri yaad

yun baad-e-saba gulshan-e-taraj tak aai

qadmon ne tere dhul uDai jo safar mein

ai shah wahi gard tere taj tak aai

KHairaat ki taqsim amiron ne ki be-shak

KHairaat kahan daman-e-muhtaj tak aai

daulat ke liye apni ana bech di us ne

us shaKHs ko lekin na zara laj tak aai

jo baat bhi main ne kahi mahbub se 'meraj'

kuche se nikal kar wahi minhaj tak aai