afsos teri yaad ne rasta nahin badla

afsos tirī yaad ne rasta nahīñ badlā

varna to mire gaañv meñ kyā kyā nahīñ badlā

jo mom kā putlā thā vo pighlā nahīñ ab tak

jo aag kā dariyā thā vo dariyā nahīñ badlā

mausam kī tarah roz badalnā nahīñ aatā

bachpan se isī vāste chehra nahīñ badlā

ab tak vo mire ḳhuun kā pyāsā hai mirā yaar

ab tak mire dushman kā vo lahja nahīñ badlā

manzil se bichhaḌ jā.eñge manzar se nikal kar

so ham ne yahī soch ke rasta nahīñ badlā

jaise tū badalne kā mujhe soch rahā thā

ab tak to mirī jaan maiñ vaisā nahīñ badlā

afsos teri yaad ne rasta nahin badla

warna to mere ganw mein kya kya nahin badla

jo mom ka putla tha wo pighla nahin ab tak

jo aag ka dariya tha wo dariya nahin badla

mausam ki tarah roz badalna nahin aata

bachpan se isi waste chehra nahin badla

ab tak wo mere KHun ka pyasa hai mera yar

ab tak mere dushman ka wo lahja nahin badla

manzil se bichhaD jaenge manzar se nikal kar

so hum ne yahi soch ke rasta nahin badla

jaise tu badalne ka mujhe soch raha tha

ab tak to meri jaan main waisa nahin badla