afsurdagi mein rahna mera kaam bhi to hai

afsurdagī meñ rahnā mirā kaam bhī to hai

tarke meñ chūñki gardish-e-ayyām bhī to hai

baiTheñ zarā janāb kahāñ aap chal diye

mahfil meñ ḳhaas raat kā ik jaam bhī to hai

puurā hai ehtimām mire dil ke vāste

mahfil meñ zikr-e-yār hai aur shaam bhī to hai

zālim jo likh rahā hai yahāñ dāstān-e-zulm

is dāstān-e-zulm kā anjām bhī to hai

qaazī yahāñ pe kyoñ na rakhe zālimoñ kī laaj

qaazī ke vāste phir ik in'ām bhī to hai

duniyā meñ har burā.ī kā ḳhatma bhī saath hai

rāvan ke saath saath yahāñ raam bhī to hai

kuchh 'mīr' jī sī ho to koī baat bhī bane

varna ye shā'irī yahāñ par 'aam bhī to hai

jo kuchh bhī likh rahā huuñ maiñ nok-e-qalam se aaj

ye sab ḳhudā kī den hai ilhām bhī to hai

afsurdagi mein rahna mera kaam bhi to hai

tarke mein chunki gardish-e-ayyam bhi to hai

baiThen zara janab kahan aap chal diye

mahfil mein KHas raat ka ek jam bhi to hai

pura hai ehtimam mere dil ke waste

mahfil mein zikr-e-yar hai aur sham bhi to hai

zalim jo likh raha hai yahan dastan-e-zulm

is dastan-e-zulm ka anjam bhi to hai

qazi yahan pe kyon na rakhe zalimon ki laj

qazi ke waste phir ek in'am bhi to hai

duniya mein har burai ka KHatma bhi sath hai

rawan ke sath sath yahan ram bhi to hai

kuchh 'mir' ji si ho to koi baat bhi bane

warna ye sha'iri yahan par 'am bhi to hai

jo kuchh bhi likh raha hun main nok-e-qalam se aaj

ye sab KHuda ki den hai ilham bhi to hai