agar ek gham ko bhula diya to gham-e-digar ki talash hai

agar ek ġham ko bhulā diyā to ġham-e-digar kī talāsh hai

na duā ko haath uThe kabhī na mujhe asar kī talāsh hai

vahī zulmateñ vahī soz-o-dard magar asar hai judā judā

tujhe phir shikāyat-e-shām-e-ġham mujhe phir sahar kī talāsh hai

jise imtiyāz-e-safar na ho hai vahī alāmat-e-gumrahī

use kārvāñ meñ jagah na do jise rāhbar kī talāsh hai

jo diloñ ke raaz batā sake mujhe chāhiye vo shu.ūr-e-ġham

jo ufuq ke paar bhī jā sake mujhe us nazar kī talāsh hai

mirī manzileñ mire sāmne mirā zād-e-rāh mirī nazar

koī rāhzan ho ki rāhbar mujhe ham-safar kī talāsh hai

mirā zauq parda-nashīñ nahīñ mirī kā.enāt hasīñ nahīñ

tirā husn ḳhuub sahī magar mujhe ḳhūb-tar kī talāsh hai

agar ek gham ko bhula diya to gham-e-digar ki talash hai

na dua ko hath uThe kabhi na mujhe asar ki talash hai

wahi zulmaten wahi soz-o-dard magar asar hai juda juda

tujhe phir shikayat-e-sham-e-gham mujhe phir sahar ki talash hai

jise imtiyaz-e-safar na ho hai wahi alamat-e-gumrahi

use karwan mein jagah na do jise rahbar ki talash hai

jo dilon ke raaz bata sake mujhe chahiye wo shuur-e-gham

jo ufuq ke par bhi ja sake mujhe us nazar ki talash hai

meri manzilen mere samne mera zad-e-rah meri nazar

koi rahzan ho ki rahbar mujhe ham-safar ki talash hai

mera zauq parda-nashin nahin meri kaenat hasin nahin

tera husn KHub sahi magar mujhe KHub-tar ki talash hai