agar junun-e-mohabbat ka aasra na mile

agar junūn-e-mohabbat kā aasrā na mile

to dil ko ġham na mile ġham ko hausla na mile

rah-e-vafā meñ agar terā naqsh-e-pā na mile

bhaTakne vaale musāfir ko rāsta na mile

agar maiñ chāhūñ kabhī aap ke sivā kuchh bhī

ḳhudā kare ki mujhe merā mudda.ā na mile

tirī talāsh meñ chal to diyā huuñ maiñ ai dost

mazā to jab hai ki apnā bhī kuchh patā na mile

marīz-e-ġham nahīñ minnat-kash-e-masīhā.ī

milā vo dard ki jis kī koī davā na mile

duā.eñ māñgte haiñ ahl-e-kārvāñ 'tal.at'

ki rāhzan koī ham-shakl-e-rahnumā na mile

agar junun-e-mohabbat ka aasra na mile

to dil ko gham na mile gham ko hausla na mile

rah-e-wafa mein agar tera naqsh-e-pa na mile

bhaTakne wale musafir ko rasta na mile

agar main chahun kabhi aap ke siwa kuchh bhi

KHuda kare ki mujhe mera muddaa na mile

teri talash mein chal to diya hun main ai dost

maza to jab hai ki apna bhi kuchh pata na mile

mariz-e-gham nahin minnat-kash-e-masihai

mila wo dard ki jis ki koi dawa na mile

duaen mangte hain ahl-e-karwan 'talat'

ki rahzan koi ham-shakl-e-rahnuma na mile