agar kuchh etibar-e-jism-o-jaan ho
agar kuchh e'tibār-e-jism-o-jāñ ho
abhī kuchh aur merā imtihāñ ho
mujhe darpesh hai bas ek manzil
ki tujh se baat ho lekin kahāñ ho
jise mauj-e-balā chūme musalsal
mirī kashtī kā aisā bādbāñ ho
kahāñ tak sūrat-e-imkāñ nikālūñ
agar har baar mehnat rā.egāñ ho
mire ḳhvāboñ kī vo be-nām jannat
zamīn-o-āsmāñ ke darmiyāñ ho
mire ehsās ke ātish-fishāñ kā
agar ho to mire dil tak dhuāñ ho
agar 'āġhāz' hai chup-chāp sāhil
samundar kī tarah tum be-karāñ ho
agar kuchh e'tibar-e-jism-o-jaan ho
abhi kuchh aur mera imtihan ho
mujhe darpesh hai bas ek manzil
ki tujh se baat ho lekin kahan ho
jise mauj-e-bala chume musalsal
meri kashti ka aisa baadban ho
kahan tak surat-e-imkan nikalun
agar har bar mehnat raegan ho
mere KHwabon ki wo be-nam jannat
zamin-o-asman ke darmiyan ho
mere ehsas ke aatish-fishan ka
agar ho to mere dil tak dhuan ho
agar 'aghaz' hai chup-chap sahil
samundar ki tarah tum be-karan ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
