agar main ek hasin tak ishq ko mahdud kar leta

agar maiñ ik hasīñ tak 'ishq ko mahdūd kar letā

to rāh-e-lā-makāñ apne liye masdūd kar letā

ḳhudā kā shukr dil meñ ek bhī nafrat nahīñ paalī

vagarna apnī har ḳhushbū ko maiñ bārūd kar letā

ye rang-o-nasl to āb-o-havā aur mausamoñ se haiñ

inheñ taslīm karke ḳhud ko maiñ nābūd kar letā

ye zikr-e-lazzat-e-lams-e-badan to ek parda thā

maiñ pāgal thā ki ḳhud ko jism tak mahdūd kar letā

agar main ek hasin tak 'ishq ko mahdud kar leta

to rah-e-la-makan apne liye masdud kar leta

KHuda ka shukr dil mein ek bhi nafrat nahin pali

wagarna apni har KHushbu ko main barud kar leta

ye rang-o-nasl to aab-o-hawa aur mausamon se hain

inhen taslim karke KHud ko main nabud kar leta

ye zikr-e-lazzat-e-lams-e-badan to ek parda tha

main pagal tha ki KHud ko jism tak mahdud kar leta