agar main waqt se pahle baDa nahin hota

agar maiñ vaqt se pahle baḌā nahīñ hotā

to aisā haal bhī merā huā nahīñ hotā

agar vo aadmī zid par aḌā nahīñ hotā

to aaj jaan se apnī gayā nahīñ hotā

ki jāntā huuñ use us se bhī ziyāda maiñ

mujhe ḳhabar hai use jo patā nahīñ hotā

mire baḌoñ ne sikhāyā mujhe ye bachpan meñ

baḌā jo kahtā ho ḳhud ko baḌā nahīñ hotā

sabaq jo miltā hai ham ko har ek Thokar se

kisī kitāb meñ ye sab likhā nahīñ hotā

kare jo pīchhe burā.ī burā hai shaḳhs vahī

burā.ī muñh pe kare jo burā nahīñ hotā

vo āstīñ meñ tumheñ 'umr-bhar makīñ rakhtā

jo is tarah se na 'mas'ūd' ko Dasā hotā

agar main waqt se pahle baDa nahin hota

to aisa haal bhi mera hua nahin hota

agar wo aadmi zid par aDa nahin hota

to aaj jaan se apni gaya nahin hota

ki jaanta hun use us se bhi ziyaada main

mujhe KHabar hai use jo pata nahin hota

mere baDon ne sikhaya mujhe ye bachpan mein

baDa jo kahta ho KHud ko baDa nahin hota

sabaq jo milta hai hum ko har ek Thokar se

kisi kitab mein ye sab likha nahin hota

kare jo pichhe burai bura hai shaKHs wahi

burai munh pe kare jo bura nahin hota

wo aastin mein tumhein 'umr-bhar makin rakhta

jo is tarah se na 'mas'ud' ko Dasa hota