agar roun to meri aankh aksar nam nahin hoti

agar ro.uuñ to merī aañkh aksar nam nahīñ hotī

agar hañsne lagūñ phir bhī udāsī kam nahīñ hotī

kabhī yādeñ mahaktī haiñ sitāre raqs karte haiñ

shab-e-hijrāñ hamesha hī dalī-e-ġham nahīñ hotī

maiñ dekhūñgī zarā fursat se apne aks-e-ḳhākī ko

abhī terī ziyā hī aañkh meñ hamdam nahīñ hotī

baḌī lambī masāfat hai hadīs-e-dil hai ik misra

azīzo shā.irī hargiz kabhī yak dam nahīñ hotī

bhalā kaise samajhtī ishq meñ jaañ se guzarne ko

tirī chāhat meñ jo dar-pesh rāh-e-ḳham nahīñ hotī

pukārūñ to chale aanā pakaḌ kar yaad kī Dorī

mohabbat meñ to majbūrī mire hamdam nahīñ hotī

ye dil ab rakh diyā hai vaqt kī Thokar pe ai 'sīmā'

ki is kambaḳht dil kī aarzū hī kam nahīñ hotī

agar roun to meri aankh aksar nam nahin hoti

agar hansne lagun phir bhi udasi kam nahin hoti

kabhi yaaden mahakti hain sitare raqs karte hain

shab-e-hijran hamesha hi dali-e-gham nahin hoti

main dekhungi zara fursat se apne aks-e-KHaki ko

abhi teri ziya hi aankh mein hamdam nahin hoti

baDi lambi masafat hai hadis-e-dil hai ek misra

azizo shairi hargiz kabhi yak dam nahin hoti

bhala kaise samajhti ishq mein jaan se guzarne ko

teri chahat mein jo dar-pesh rah-e-KHam nahin hoti

pukarun to chale aana pakaD kar yaad ki Dori

mohabbat mein to majburi mere hamdam nahin hoti

ye dil ab rakh diya hai waqt ki Thokar pe ai 'sima'

ki is kambaKHt dil ki aarzu hi kam nahin hoti