agar sawar kai kashtiyon mein rahna hai

agar savār ka.ī kashtiyoñ meñ rahnā hai

to aañkh aañkh tumheñ kājaloñ meñ rahnā hai

bas un ke mere ḳhayālāt meñ yahīñ hai tazād

unheñ nazar meñ mujhe dhaḌkanoñ meñ rahnā hai

is ik ḳhayāl ne tā-'umr be-sukūn rakhā

ḳhayāl ye thā mujhe bādaloñ meñ rahnā hai

hamāre saath tumheñ 'umr-bhar ba-shakl-e-ġhazal

kahīñ radīf kahīñ qāfiyoñ meñ rahnā hai

maiñ chāhtā huuñ yahāñ amn hī rahe qaa.em

so ai junūn tujhe bandishoñ meñ rahnā hai

salāhiyat se ziyāda gumān meñ rahnā

isī kā naam ġhalat-fahmiyoñ meñ rahnā hai

mirā nasīb añgūThī nahīñ hai daulat-mand

maiñ ko.elā huuñ mujhe ko.eloñ meñ rahnā hai

agar sawar kai kashtiyon mein rahna hai

to aankh aankh tumhein kajalon mein rahna hai

bas un ke mere KHayalat mein yahin hai tazad

unhen nazar mein mujhe dhaDkanon mein rahna hai

is ek KHayal ne ta-'umr be-sukun rakha

KHayal ye tha mujhe baadalon mein rahna hai

hamare sath tumhein 'umr-bhar ba-shakl-e-ghazal

kahin radif kahin qafiyon mein rahna hai

main chahta hun yahan amn hi rahe qaem

so ai junun tujhe bandishon mein rahna hai

salahiyat se ziyaada guman mein rahna

isi ka nam ghalat-fahmiyon mein rahna hai

mera nasib anguThi nahin hai daulat-mand

main koela hun mujhe koelon mein rahna hai