agar tark-e-talluq kar bhi lete hum to kya hota

agar tark-e-ta.alluq kar bhī lete ham to kyā hotā

kahāñ mumkin ki dil qaid-e-mohabbat se rihā hotā

chalo achchhā huā tum ne bhī āḳhir dushmanī kar lī

kahāñ tak tum se āḳhir dostī kā haq adā hotā

ġhanīmat hai ye dil jaisā bhī hai raunaq hai hastī kī

añdherā chhā gayā hotā agar dil bujh gayā hotā

mujhe sāhil pe pahuñchāyā mirī ḳhud e'timādī ne

ye kashtī Duub jaatī saath meñ gar nāḳhudā hotā

mubārak ho tumheñ jashn-e-charāġhāñ dosto lekin

kisī muflis ke ghar ko bhī koī TuuTā diyā hotā

ġharībī bhuuk zulm-o-jaur kaise dekh saktā maiñ

ḳhudā.ī bhī na mujh ko raas aatī gar ḳhudā hotā

agar tark-e-talluq kar bhi lete hum to kya hota

kahan mumkin ki dil qaid-e-mohabbat se riha hota

chalo achchha hua tum ne bhi aaKHir dushmani kar li

kahan tak tum se aaKHir dosti ka haq ada hota

ghanimat hai ye dil jaisa bhi hai raunaq hai hasti ki

andhera chha gaya hota agar dil bujh gaya hota

mujhe sahil pe pahunchaya meri KHud e'timadi ne

ye kashti Dub jati sath mein gar naKHuda hota

mubarak ho tumhein jashn-e-charaghan dosto lekin

kisi muflis ke ghar ko bhi koi TuTa diya hota

gharibi bhuk zulm-o-jaur kaise dekh sakta main

KHudai bhi na mujh ko ras aati gar KHuda hota