agar ye rah pahle hi se Thahrai nahin hoti

agar ye raah pahle hī se Thahrā.ī nahīñ hotī

safar hotā par aisī ābla-pā.ī nahīñ hotī

dikhā.ī kuchh nahīñ detā sivā.e tang-nazrī ke

basīrat kī zamānat sirf bīnā.ī nahīñ hotī

tujhe to 'ilm hai qāsid par un se muḳhtasar kahnā

ziyāda bolne vāloñ meñ gahrā.ī nahīñ hotī

koī insān apne aap meñ tanhā nahīñ hotā

kisī kī dastaras meñ itnī tanhā.ī nahīñ hotī

bahut se rabt ik-tarfa bhī hote haiñ ta’alluq meñ

barābar 'ishq ke phande meñ gīrā.ī nahīñ hotī

akele meñ mujhe sharmindagī mahsūs hotī hai

na jaane kitne jazboñ se shanāsā.ī nahīñ hotī

agar ye rah pahle hi se Thahrai nahin hoti

safar hota par aisi aabla-pai nahin hoti

dikhai kuchh nahin deta siwae tang-nazri ke

basirat ki zamanat sirf binai nahin hoti

tujhe to 'ilm hai qasid par un se muKHtasar kahna

ziyaada bolne walon mein gahrai nahin hoti

koi insan apne aap mein tanha nahin hota

kisi ki dastaras mein itni tanhai nahin hoti

bahut se rabt ik-tarfa bhi hote hain ta’alluq mein

barabar 'ishq ke phande mein girai nahin hoti

akele mein mujhe sharmindagi mahsus hoti hai

na jaane kitne jazbon se shanasai nahin hoti