agarche jaan ka KHatra nai uDan mein tha

agarche jaan kā ḳhatra na.ī uḌaan meñ thā

parinda phir bhī bahut duur āsmān meñ thā

milī jo manzil-e-imkāñ ba-justujū-e-hazār

ajiib nashsha safar-dar-safar takān meñ thā

usī ne ghar ke charāġhoñ kī lau baḌhā.ī hai

shumār jis kā kabhī nang-e-ḳhāndān meñ thā

maiñ dushmanoñ se har ik lamha thā bahut mohtāt

milegā zaḳhm rafīqoñ se kab gumān meñ thā

maiñ tang aa ke ta.attul se dhuup meñ niklā

sukūn-e-qalb-o-nazar yuuñ to sā.ebān meñ thā

'nasīm' chashm-zadan meñ zamīñ pe aan girā

agarche tīr-e-sitamgar abhī kamān meñ thā

agarche jaan ka KHatra nai uDan mein tha

parinda phir bhi bahut dur aasman mein tha

mili jo manzil-e-imkan ba-justuju-e-hazar

ajib nashsha safar-dar-safar takan mein tha

usi ne ghar ke charaghon ki lau baDhai hai

shumar jis ka kabhi nang-e-KHandan mein tha

main dushmanon se har ek lamha tha bahut mohtat

milega zaKHm rafiqon se kab guman mein tha

main tang aa ke tattul se dhup mein nikla

sukun-e-qalb-o-nazar yun to saeban mein tha

'nasim' chashm-zadan mein zamin pe aan gira

agarche tir-e-sitamgar abhi kaman mein tha