agarche KHwabon ke sath hi jal bujhi hun main bhi

agarche ḳhvāboñ ke saath hī jal bujhī huuñ maiñ bhī

magar isī ik malāl kī raushnī huuñ maiñ bhī

phir ek tūfāñ kī āhaTeñ kyā sunī haiñ tum ne

sadā-e-hātif to der se sun rahī huuñ maiñ bhī

maiñ tujh se kyā ḳhauf khā.ūñ itnī ḳhabar hai mujh ko

ki ek kumba hai jis pe likkhī ga.ī huuñ maiñ bhī

ye ahd ab to hazār chehroñ meñ baT chukā hai

so ek chehra liye hue jī rahī huuñ maiñ bhī

har ek apnī hī ḳhvāhishoñ ke hisār meñ hai

so aise ik dā.ere meñ simTī huī huuñ maiñ bhī

hazār rastoñ ke pech-o-ḳham se nazar bachā kar

jahāñ pe tum ho usī taraf chal paḌī huuñ maiñ bhī

suḳhan-varī ke liye mujhe chun liyā gayā hai

to kyā mire dil ma.āl-e-kuza-garī huuñ maiñ bhī

agarche KHwabon ke sath hi jal bujhi hun main bhi

magar isi ek malal ki raushni hun main bhi

phir ek tufan ki aahaTen kya suni hain tum ne

sada-e-hatif to der se sun rahi hun main bhi

main tujh se kya KHauf khaun itni KHabar hai mujh ko

ki ek kumba hai jis pe likkhi gai hun main bhi

ye ahd ab to hazar chehron mein baT chuka hai

so ek chehra liye hue ji rahi hun main bhi

har ek apni hi KHwahishon ke hisar mein hai

so aise ek daere mein simTi hui hun main bhi

hazar raston ke pech-o-KHam se nazar bacha kar

jahan pe tum ho usi taraf chal paDi hun main bhi

suKHan-wari ke liye mujhe chun liya gaya hai

to kya mere dil maal-e-kuza-gari hun main bhi