agarche tere karam ka koi shumar nahin

agarche tere karam kā koī shumār nahīñ

magar ye jabr mujhe ḳhud pe iḳhtiyār nahīñ

hudūd-e-vaqt se bāhar nikal ke dekh liyā

kahāñ kahāñ tirī qudrat tirā hisār nahīñ

maiñ ek zarra sahī merī haisiyat mā'lūm

maiñ aadmī to huuñ uḌtā hue ġhubār nahīñ

sabhī ke bazm-e-tarab meñ shumār naam magar

pa merā naam kisī naam meñ shumār nahīñ

ye lag rahā hai mujhe rang-o-bū ke ziine par

maiñ jis bahār meñ huuñ ye koī bahār nahīñ

kisī ne phir se girā dī hai ye dar-o-dīvār

uTho 'adīb' yahāñ aur intizār nahīñ

agarche tere karam ka koi shumar nahin

magar ye jabr mujhe KHud pe iKHtiyar nahin

hudud-e-waqt se bahar nikal ke dekh liya

kahan kahan teri qudrat tera hisar nahin

main ek zarra sahi meri haisiyat ma'lum

main aadmi to hun uDta hue ghubar nahin

sabhi ke bazm-e-tarab mein shumar nam magar

pa mera nam kisi nam mein shumar nahin

ye lag raha hai mujhe rang-o-bu ke zine par

main jis bahaar mein hun ye koi bahaar nahin

kisi ne phir se gira di hai ye dar-o-diwar

uTho 'adib' yahan aur intizar nahin