ahbab ho gae hain bahut mujhse bad-guman

ahbāb ho ga.e haiñ bahut mujh se bad-gumān

qaiñchī kī tarah chalne lagī hai mirī zabān

ik baat merī un kī tavajjoh na pā sakī

kahte the log hote haiñ dīvār ke bhī kaan

khiḌkī ko khol kar to kisī roz jhāñk lo

ḳhālī hai āj-kal mire ehsās kā makān

tanhā udaas kamre meñ baiThā huā thā maiñ

ik lafz ne bikher diye mushk o za.afrān

paanī kā ruḳh badalne ko maare haath paañv

ik aadmī jo ḳhud ko batātā rahā chaTān

ḳhud ko sambhāl pā.egā maiñ kis tarah kahūñ

sūkhā daraḳht tez havāoñ ke darmiyān

ik din meñ apne ghar ke khulī chhat pe chaḌh gayā

mujh ko zamīn par nazar aayā ik āsmān

ahbab ho gae hain bahut mujh se bad-guman

qainchi ki tarah chalne lagi hai meri zaban

ek baat meri un ki tawajjoh na pa saki

kahte the log hote hain diwar ke bhi kan

khiDki ko khol kar to kisi roz jhank lo

KHali hai aaj-kal mere ehsas ka makan

tanha udas kamre mein baiTha hua tha main

ek lafz ne bikher diye mushk o zafran

pani ka ruKH badalne ko mare hath panw

ek aadmi jo KHud ko batata raha chaTan

KHud ko sambhaal paega main kis tarah kahun

sukha daraKHt tez hawaon ke darmiyan

ek din mein apne ghar ke khuli chhat pe chaDh gaya

mujh ko zamin par nazar aaya ek aasman