ahbab ko mail-ba-jafa dekh rahe hain

ahbāb ko mā.il-ba-jafā dekh rahe haiñ

kyā dekhne ham aa.e the kyā dekh rahe haiñ

allāh re ma.asūmī-e-arbāb-e-tamanna

patthar ke ḳhudāoñ meñ vafā dekh rahe haiñ

begāna-ravī tum pe hī mauqūf nahīñ hai

ham jism se saa.e ko judā dekh rahe haiñ

tablīġh jo karte haiñ zamāne meñ vafā kī

un kā bhī ham andāz-e-vafā dekh rahe haiñ

haiñ pairvī-e-ḳhizr ke anjām se vāqif

is par bhī ham ik rāh-numā dekh rahe haiñ

mahfil meñ faqat ham hī nahīñ ‘tālib’-e-jalva

ab miltī hai kis kis ko sazā dekh rahe haiñ

ahbab ko mail-ba-jafa dekh rahe hain

kya dekhne hum aae the kya dekh rahe hain

allah re masumi-e-arbab-e-tamanna

patthar ke KHudaon mein wafa dekh rahe hain

begana-rawi tum pe hi mauquf nahin hai

hum jism se sae ko juda dekh rahe hain

tabligh jo karte hain zamane mein wafa ki

un ka bhi hum andaz-e-wafa dekh rahe hain

hain pairwi-e-KHizr ke anjam se waqif

is par bhi hum ek rah-numa dekh rahe hain

mahfil mein faqat hum hi nahin ‘talib’-e-jalwa

ab milti hai kis kis ko saza dekh rahe hain