ahd-e-ghazab hai shor bahut qil-o-qal ka

ahd-e-ġhazab hai shor bahut qīl-o-qāl kā

ye daur hai bahā-e-adab ke zavāl kā

ġhāroñ meñ chhup ke so raho ai sakinān-e-dil

sadiyoñ talak na aa.egā jhoñkā ḳhayāl kā

vīrān apne haath se kī kār-gāh-e-zīst

zarre se ḳhuub kaam liyā hai kamāl kā

aa.e the is zamīn pe jā.eñge ab kahāñ

degā javāb kaun hameñ is savāl kā

ye sa.ī-e-rā.egāñ to na thī apnī justujū

ai zul-jalāl ham ko dikhā ruḳh jamāl kā

baiThe haiñ sau baras se tire intizār meñ

aao bhī ab to fāsla hai ek saal kā

ahd-e-ghazab hai shor bahut qil-o-qal ka

ye daur hai baha-e-adab ke zawal ka

ghaaron mein chhup ke so raho ai sakinan-e-dil

sadiyon talak na aaega jhonka KHayal ka

viran apne hath se ki kar-gah-e-zist

zarre se KHub kaam liya hai kamal ka

aae the is zamin pe jaenge ab kahan

dega jawab kaun hamein is sawal ka

ye sai-e-raegan to na thi apni justuju

ai zul-jalal hum ko dikha ruKH jamal ka

baiThe hain sau baras se tere intizar mein

aao bhi ab to fasla hai ek sal ka