ahd-e-hazir ne jo Thukraya bahut

ahd-e-hāzir ne jo Thukrāyā bahut

vo purānā daur yaad aayā bahut

kyā milā merī tabāhī par unheñ

ḳhanda-zan hai merā ham-sāya bahut

aish-o-ishrat meñ to ham bhūle rahe

dukh musībat meñ vo yaad aayā bahut

ho mubārak lazzat-e-ifrāt-e-ġham

hai ye arzānī garāñ-māya bahut

chhat nahīñ mere makāñ meñ to na ho

āsmāñ kā hai mujhe saaya bahut

ḳhushk khetoñ par faqat garjā kiye

aur dariyāoñ pe barsāyā bahut

jis pe paḌ jaa.e vahī 'mahmūd' ho

hai pasandīda mirā saaya bahut

ahd-e-hazir ne jo Thukraya bahut

wo purana daur yaad aaya bahut

kya mila meri tabahi par unhen

KHanda-zan hai mera ham-saya bahut

aish-o-ishrat mein to hum bhule rahe

dukh musibat mein wo yaad aaya bahut

ho mubarak lazzat-e-ifraat-e-gham

hai ye arzani garan-maya bahut

chhat nahin mere makan mein to na ho

aasman ka hai mujhe saya bahut

KHushk kheton par faqat garja kiye

aur dariyaon pe barsaya bahut

jis pe paD jae wahi 'mahmud' ho

hai pasandida mera saya bahut