ahd-e-wafa na yaad dilaen to kya karen

ahd-e-vafā na yaad dilā.eñ to kyā kareñ

ham un ko hāl-e-dil na sunā.īñ to kyā kareñ

jin se nahīñ hai aap kī manzil ko vāsta

un rāstoñ se lauT na jaa.eñ to kyā kareñ

vo har taraf haiñ samt kī jab qaid hī nahīñ

dair-o-haram meñ sar na jhukā.eñ to kyā kareñ

mohkam hai rabt-e-ishq to nazdīk-o-dūr kyā

aa.eñ to kyā kareñ vo na aa.eñ to kyā kareñ

maanā ki ham ko tāb-e-nazar hai na shauq-e-dīd

ruḳh se vo ḳhud hī parda uThā.eñ to kyā kareñ

'ashraf' ko thā amal se ziyāda karam pe naaz

kaam aa ga.ī haiñ us kī ḳhatā.eñ to kyā kareñ

ahd-e-wafa na yaad dilaen to kya karen

hum un ko haal-e-dil na sunain to kya karen

jin se nahin hai aap ki manzil ko wasta

un raston se lauT na jaen to kya karen

wo har taraf hain samt ki jab qaid hi nahin

dair-o-haram mein sar na jhukaen to kya karen

mohkam hai rabt-e-ishq to nazdik-o-dur kya

aaen to kya karen wo na aaen to kya karen

mana ki hum ko tab-e-nazar hai na shauq-e-did

ruKH se wo KHud hi parda uThaen to kya karen

'ashraf' ko tha amal se ziyaada karam pe naz

kaam aa gai hain us ki KHataen to kya karen