ahd jaise bhi bandhe the tere mere darmiyan

'ahd jaise bhī bañdhe the tere mere darmiyāñ

dard ke rishte juḌe the tere mere darmiyāñ

ġhair-mumkin thā fasīleñ fāsloñ kī phāñdnā

qismatoñ ke faisle the tere mere darmiyāñ

ik takallum kā ta'alluq toḌne se kyā huā

aur bhī kuchh rābte the tere mere darmiyāñ

kyā kahūñ manzil kī us kī samt bhī koī na thī

rāste hī rāste the tere mere darmiyāñ

tere dil kā maan TuuTe maiñ ne kab chāhā magar

aur bhī kuchh dil paḌe the tere mere darmiyāñ

vasl kī sarshāriyoñ se jo na ho sakte the hal

aise bhī kuchh mas.ale the tere mire darmiyāñ

sāmnā thā ik to dariyā-e-talātum-ḳhez kā

aur kuchh kachche ghaḌe the tere mere darmiyāñ

thā safar darpesh jaane kitne 'nūrī' saal kā

kaise kaise fāsle the tere mere darmiyāñ

'ahd jaise bhi bandhe the tere mere darmiyan

dard ke rishte juDe the tere mere darmiyan

ghair-mumkin tha fasilen faslon ki phandna

qismaton ke faisle the tere mere darmiyan

ek takallum ka ta'alluq toDne se kya hua

aur bhi kuchh rabte the tere mere darmiyan

kya kahun manzil ki us ki samt bhi koi na thi

raste hi raste the tere mere darmiyan

tere dil ka man TuTe main ne kab chaha magar

aur bhi kuchh dil paDe the tere mere darmiyan

wasl ki sarshaariyon se jo na ho sakte the hal

aise bhi kuchh masale the tere mere darmiyan

samna tha ek to dariya-e-talatum-KHez ka

aur kuchh kachche ghaDe the tere mere darmiyan

tha safar darpesh jaane kitne 'nuri' sal ka

kaise kaise fasle the tere mere darmiyan