ahl-e-dil sada tabiat hain ye kya karte hain

ahl-e-dil saada tabī'at haiñ ye kyā karte haiñ

husn vāloñ se bhī ummīd-e-vafā karte haiñ

kitne ehsān-farāmosh haiñ duniyā vaale

jin pe ehsān karo vo hī daġhā karte haiñ

haa.e afsos ki ye ahl-e-siyāsat afsos

baap ko beTe se pal-bhar meñ judā karte haiñ

aish meñ hote haiñ rangīnī-e-duniyā ke asiir

log mushkil meñ faqat yād-e-ḳhudā karte haiñ

dar-ba-dar hote haiñ tahzīb-o-tamaddun vaale

be-adab shaan se duniyā meñ rahā karte haiñ

tum raho shaad zamāne meñ ba-har-lamha 'ḳhatīb'

ham to bas maut ke aane kī du'ā karte haiñ

ahl-e-dil sada tabi'at hain ye kya karte hain

husn walon se bhi ummid-e-wafa karte hain

kitne ehsan-faramosh hain duniya wale

jin pe ehsan karo wo hi dagha karte hain

hae afsos ki ye ahl-e-siyasat afsos

bap ko beTe se pal-bhar mein juda karte hain

aish mein hote hain rangini-e-duniya ke asir

log mushkil mein faqat yaad-e-KHuda karte hain

dar-ba-dar hote hain tahzib-o-tamaddun wale

be-adab shan se duniya mein raha karte hain

tum raho shad zamane mein ba-har-lamha 'KHatib'

hum to bas maut ke aane ki du'a karte hain