ahl-e-dil sahra mein gul ki aarzu karne lage

ahl-e-dil sahrā meñ gul kī aarzū karne lage

ā.inoñ ko pattharoñ ke rū-ba-rū karne lage

oḌh kar apne badan par tajraboñ kī aag ko

hādse ḳhud hādsoñ ko surḳh-rū karne lage

sīm-o-zar kī god meñ paale hue ahl-e-havas

muflisoñ ke saath mil kar raqs-e-hū karne lage

phir se dar aaya hai bāzāroñ meñ sail-e-ehtijāj

ahl-e-ġham apne lahū se phir vuzū karne lage

shahr-e-dānish-ḳhez terī azmatoñ kī ḳhair ho

aadmī phir jangaloñ kī guftugū karne lage

thī vo jis par sāġhar-o-mīnā kī har gardish nisār

us nazar kī aarzū ahl-e-subū karne lage

ahl-e-dil sahra mein gul ki aarzu karne lage

aainon ko pattharon ke ru-ba-ru karne lage

oDh kar apne badan par tajrabon ki aag ko

hadse KHud hadson ko surKH-ru karne lage

sim-o-zar ki god mein pale hue ahl-e-hawas

muflison ke sath mil kar raqs-e-hu karne lage

phir se dar aaya hai bazaron mein sail-e-ehtijaj

ahl-e-gham apne lahu se phir wuzu karne lage

shahr-e-danish-KHez teri azmaton ki KHair ho

aadmi phir jangalon ki guftugu karne lage

thi wo jis par saghar-o-mina ki har gardish nisar

us nazar ki aarzu ahl-e-subu karne lage