ahl-e-duniya ke liye ye majra hai muKHtalif

ahl-e-duniyā ke liye ye mājrā hai muḳhtalif

pattharoñ ke shahr meñ ek aa.ina hai muḳhtalif

mere bachche kitne hairāñ haiñ ki in ke vāste

pesh-rau ke naqsh-e-pā kā silsila hai muḳhtalif

Doltī hai saañs ke tūfāñ meñ kashtī ziist kī

bādbānī ke liye ab ke havā hai muḳhtalif

sā.atoñ kī dhuup ne jab bhī tasallī dī ghanī

qadd-o-qāmat apne saa.e kā milā hai muḳhtalif

chun leñ āñkhoñ se hamārī niiñd kī sab kirchiyāñ

vaqt ke gūñge qabīle kī sazā hai muḳhtalif

dekhiye to sabz khetoñ meñ shuāoñ kā hai raqs

sochiye to mausam-e-rañg-e-adā hai muḳhtalif

chashm-e-hairat se na yuuñ dekhā kareñ 'shāhīn-badr'

mausam-e-iḳhlās kī ThanDī havā hai muḳhtalif

ahl-e-duniya ke liye ye majra hai muKHtalif

pattharon ke shahr mein ek aaina hai muKHtalif

mere bachche kitne hairan hain ki in ke waste

pesh-rau ke naqsh-e-pa ka silsila hai muKHtalif

Dolti hai sans ke tufan mein kashti zist ki

baadbani ke liye ab ke hawa hai muKHtalif

saaton ki dhup ne jab bhi tasalli di ghani

qadd-o-qamat apne sae ka mila hai muKHtalif

chun len aankhon se hamari nind ki sab kirchiyan

waqt ke gunge qabile ki saza hai muKHtalif

dekhiye to sabz kheton mein shuaon ka hai raqs

sochiye to mausam-e-rang-e-ada hai muKHtalif

chashm-e-hairat se na yun dekha karen 'shahin-badr'

mausam-e-iKHlas ki ThanDi hawa hai muKHtalif