ai asir-e-yas kasrat ki hai tujhko ehtiyaj

ai asīr-e-yās kasrat kī hai tujh ko ehtiyāj

ḳhūbsūrat auratoñ kā qurb hai terā 'ilāj

kaisī mushkil meñ hai duniyā-dār insāñ kyā kare

ik taraf ḳhvāhish kī shiddat ik taraf hai lok laaj

dosto is haal meñ jiinā paḌegā kab talak

zehn-o-dil par ek muddat se hai māyūsī kā raaj

ham to us ko mānte haiñ jānte haiñ us ko mard

jo ki dushman se bhī le tausīf-o-tahsīñ kā ḳhirāj

'krishn-mohan' hiddat-e-ġham se phuñkā hai tan-badan

aur mere haal par hañstā hai ye zālim samāj

ai asir-e-yas kasrat ki hai tujh ko ehtiyaj

KHubsurat auraton ka qurb hai tera 'ilaj

kaisi mushkil mein hai duniya-dar insan kya kare

ek taraf KHwahish ki shiddat ek taraf hai lok laj

dosto is haal mein jina paDega kab talak

zehn-o-dil par ek muddat se hai mayusi ka raj

hum to us ko mante hain jaante hain us ko mard

jo ki dushman se bhi le tausif-o-tahsin ka KHiraj

'krishn-mohan' hiddat-e-gham se phunka hai tan-badan

aur mere haal par hansta hai ye zalim samaj