ai chand mere baam pe aa kar na ruka kar

ai chāñd mire baam pe aa kar na rukā kar

mahrūm-e-tamannā huuñ mujhe yuuñ na takā kar

maiñ kahtī rahī us se mirā dil na dukhānā

kyā mil gayā jaane use is dil ko dukhā kar

dekhūñ ki mirā 'aks hai is dil meñ kahāñ tak

kājal bharī āñkhoñ ko in āñkhoñ se milā kar

kahtā hai tumhī sab ho mirī aur ye sach hai

kahtā hai magar jhuuT bhī phir aañkh milā kar

maiñ chāhtī huuñ ab vo mujhe duur se dekhe

āñkhoñ se ye nazdīk kī 'ainak ko haTā kar

vo rūh-e-muqaddas jo milī ḳhvāb meñ mujh se

ye mashvara hai us kā ki itnā na hañsā kar

har samt se merī hī sadā palTegī āḳhir

tū dekh le āvāz se āvāz milā kar

vo ruuh se lipTā huā ik farzī parinda

dil ne ye kahā chal ke ab us ko bhī rihā kar

ai chand mere baam pe aa kar na ruka kar

mahrum-e-tamanna hun mujhe yun na taka kar

main kahti rahi us se mera dil na dukhana

kya mil gaya jaane use is dil ko dukha kar

dekhun ki mera 'aks hai is dil mein kahan tak

kajal bhari aankhon ko in aankhon se mila kar

kahta hai tumhi sab ho meri aur ye sach hai

kahta hai magar jhuT bhi phir aankh mila kar

main chahti hun ab wo mujhe dur se dekhe

aankhon se ye nazdik ki 'ainak ko haTa kar

wo ruh-e-muqaddas jo mili KHwab mein mujh se

ye mashwara hai us ka ki itna na hansa kar

har samt se meri hi sada palTegi aaKHir

tu dekh le aawaz se aawaz mila kar

wo ruh se lipTa hua ek farzi parinda

dil ne ye kaha chal ke ab us ko bhi riha kar