ai dila bol kya karen tera

ai dilā bol kyā kareñ terā

hāo-hū kis tarah suneñ terā

jān-o-dil tere naam likh chhoḌe

aur ab bol kyā kareñ terā

ab barā.e lavāzimāt-e-junūñ

hijr darkār hai hameñ terā

dā.era qaid lag rahā hai tujhe

yā'nī ye band toḌ deñ terā

yā'nī ab vo bhī tere saath nahīñ

vo baḌā zo'm thā jinheñ terā

ham se pūchhā kareñge terā log

kyā batā.eñge ham unheñ terā

bas zarā Thahr kaan dhar to zarā

kyā bigāḌeñgī minnateñ terā

ai dila bol kya karen tera

hao-hu kis tarah sunen tera

jaan-o-dil tere nam likh chhoDe

aur ab bol kya karen tera

ab barae lawazimat-e-junun

hijr darkar hai hamein tera

daera qaid lag raha hai tujhe

ya'ni ye band toD den tera

ya'ni ab wo bhi tere sath nahin

wo baDa zo'm tha jinhen tera

hum se puchha karenge tera log

kya bataenge hum unhen tera

bas zara Thahr kan dhar to zara

kya bigaDengi minnaten tera