ai duniya walo duniya mein aKHlaq ki pasti lanat hai

ai duniyā vaalo duniyā meñ aḳhlāq kī pastī lā'nat hai

qur.ān gavāhī detā hai shaitān kī hastī lā'nat hai

ye duniyā āḳhir faanī hai ye daulat ānī-jānī hai

sarmāya-parastoñ se kah do sarmāya-parastī lā'nat hai

mā'lūm nahīñ ye raaz abhī āzādī paane vāloñ ko

āzād vatan ke logoñ meñ ġhaddār kī hastī lā'nat hai

jab hindī sindhī punjabi islām meñ aa kar ek hue

ai firqa-parasto baaz aao phir firqa-parastī lā'nat hai

īmān kī daulat vāloñ kā dil nūr-e-ḳhudā se raushan hai

īmān nahīñ jin meñ un ke chehroñ pe barastī lā'nat hai

jo kaam bhī karnā hai tujh ko be-khaTke kar aur ḳhauf na khā

ai mard-e-mujāhid hosh meñ aa auhām-parastī lā'nat hai

ai ahl-e-zamāna ġhaur karo kal kyā guzrī insānoñ par

kuchh shaitānoñ ne ḳhuun se kī hai chīra-dastī lā'nat hai

paiġhām mirā jā kar koī is daur ke munsif se kah de

insāf ke māthe par dāġh-e-ahbāb-parastī lā'nat hai

ai duniya walo duniya mein aKHlaq ki pasti la'nat hai

quran gawahi deta hai shaitan ki hasti la'nat hai

ye duniya aaKHir fani hai ye daulat aani-jaani hai

sarmaya-paraston se kah do sarmaya-parasti la'nat hai

ma'lum nahin ye raaz abhi aazadi pane walon ko

aazad watan ke logon mein ghaddar ki hasti la'nat hai

jab hindi sindhi punjabi islam mein aa kar ek hue

ai firqa-parasto baz aao phir firqa-parasti la'nat hai

iman ki daulat walon ka dil nur-e-KHuda se raushan hai

iman nahin jin mein un ke chehron pe barasti la'nat hai

jo kaam bhi karna hai tujh ko be-khaTke kar aur KHauf na kha

ai mard-e-mujahid hosh mein aa auham-parasti la'nat hai

ai ahl-e-zamana ghaur karo kal kya guzri insanon par

kuchh shaitanon ne KHun se ki hai chira-dasti la'nat hai

paigham mera ja kar koi is daur ke munsif se kah de

insaf ke mathe par dagh-e-ahbab-parasti la'nat hai