ai jaan-e-KHema-gah-e-nafas ja raha hun main

ai jān-e-ḳhema-gāh-e-nafas jā rahā huuñ maiñ

aane lagī sadā-e-jaras jā rahā huuñ maiñ

āvāza-e-sukūt mirā tār-tār hai

dhun koī chheḌ sāz-e-havas jā rahā huuñ maiñ

hai kaun tujh meñ dhuum machā.e mire sivā

dasht-e-vajūd ab to jhulas jā rahā huuñ maiñ

parhez karte karte ḳhud apnī hī aag se

tang aa chukā huuñ ḳhāna-e-ḳhas jā rahā huuñ maiñ

sar par hai āsmān to sabza hai shash-jihat

phir kyoñ palaT ke sū-e-qafas jā rahā huuñ maiñ

ḳhushbū kī rā.egānī girāñ-bār ho chukī

arzāñ bahut hai bū-e-nafas jā rahā huuñ maiñ

ai jaan-e-KHema-gah-e-nafas ja raha hun main

aane lagi sada-e-jaras ja raha hun main

aawaza-e-sukut mera tar-tar hai

dhun koi chheD saz-e-hawas ja raha hun main

hai kaun tujh mein dhum machae mere siwa

dasht-e-wajud ab to jhulas ja raha hun main

parhez karte karte KHud apni hi aag se

tang aa chuka hun KHana-e-KHas ja raha hun main

sar par hai aasman to sabza hai shash-jihat

phir kyon palaT ke su-e-qafas ja raha hun main

KHushbu ki raegani giran-bar ho chuki

arzan bahut hai bu-e-nafas ja raha hun main