ai jalis ab ek tumhin mein aadmiyyat ho to ho

ai 'jalīs' ab ik tumhīñ meñ ādmiyyat ho to ho

ibn-e-ādam ho yahī jin-e-virāsat ho to ho

rah ga.ī tanhā ye ashk-afshāñ hamāre haal par

ġham-gusārī apnī bhī ik sham-e-turbat ho to ho

ātish-e-ġham ne jalā kar ḳhaak kar Daalā use

dil kahāñ siine meñ ab ik dāġh-e-hasrat ho to ho

kārvān-e-zindagī kā lag rahā hai chal chalāo

har-nafas ham ko sadā-e-kos-e-rehlat ho to ho

dard-mandoñ kā yahāñ koī nahīñ pursān-e-hāl

ai ajal in bekasoñ par terī rahmat ho to ho

gardish-e-daurāñ muḳhālif hai na hai dushman falak

barsar-e-paikār mujh se merī qismat ho to ho

aadmī vo hai jise pās-e-mohabbat ho 'jalīs'

aur ye shai aadmī meñ ādmiyyat ho to ho

ai 'jalis' ab ek tumhin mein aadmiyyat ho to ho

ibn-e-adam ho yahi jin-e-wirasat ho to ho

rah gai tanha ye ashk-afshan hamare haal par

gham-gusari apni bhi ek sham-e-turbat ho to ho

aatish-e-gham ne jala kar KHak kar Dala use

dil kahan sine mein ab ek dagh-e-hasrat ho to ho

karwan-e-zindagi ka lag raha hai chal chalao

har-nafas hum ko sada-e-kos-e-rehlat ho to ho

dard-mandon ka yahan koi nahin pursan-e-haal

ai ajal in bekason par teri rahmat ho to ho

gardish-e-dauran muKHalif hai na hai dushman falak

barsar-e-paikar mujh se meri qismat ho to ho

aadmi wo hai jise pas-e-mohabbat ho 'jalis'

aur ye shai aadmi mein aadmiyyat ho to ho