ai junun hai gulshan-e-ijad virana mera

ai junūñ hai gulshan-e-ījād vīrāna merā

kis kā dīvāna huuñ ik aalam hai dīvāna merā

bā.is-e-ārā.ish-e-getī hai vīrāna merā

til magar rū-e-zamīñ kā hai siyah-ḳhāna merā

huuñ ġhash roz-e-azal se jalva-e-dīdār par

tuur kī taqrīr thī goyā ik afsāna merā

baat chheḌī hai to kahne dījiye afsūn-e-zulf

niiñd uchTī hai to sun liije kuchh afsāna merā

ai nashā-e-hirs-e-rif.at ḳhuub hai chakkar diye

āsmāñ ke saath gardish meñ hai paimāna merā

maiñ vo kisht-e-nā-murādī huuñ zamāne meñ ki hai

barq-e-ḳhirman-soz kā mushtāq har daana merā

hai surūr-e-bāda-e-ulfat bahār-e-be-hushī

be-ḳhudī-e-do-jahāñ hai daur-e-paimāna merā

sab haiñ jiite jī ke duniyā meñ ta'alluq be-ḳhabar

kaun hai terā yagāna kaun begāna merā

hai surūr-e-bāda-e-rangīñ suḳhan-sāzī merī

mauj-e-bahr-e-mai hai 'sho.ala' sher mastāna merā

ai junun hai gulshan-e-ijad virana mera

kis ka diwana hun ek aalam hai diwana mera

bais-e-araish-e-geti hai virana mera

til magar ru-e-zamin ka hai siyah-KHana mera

hun ghash roz-e-azal se jalwa-e-didar par

tur ki taqrir thi goya ek afsana mera

baat chheDi hai to kahne dijiye afsun-e-zulf

nind uchTi hai to sun lije kuchh afsana mera

ai nasha-e-hirs-e-rifat KHub hai chakkar diye

aasman ke sath gardish mein hai paimana mera

main wo kisht-e-na-muradi hun zamane mein ki hai

barq-e-KHirman-soz ka mushtaq har dana mera

hai surur-e-baada-e-ulfat bahaar-e-be-hushi

be-KHudi-e-do-jahan hai daur-e-paimana mera

sab hain jite ji ke duniya mein ta'alluq be-KHabar

kaun hai tera yagana kaun begana mera

hai surur-e-baada-e-rangin suKHan-sazi meri

mauj-e-bahr-e-mai hai 'shoala' sher mastana mera