ai junun humne kahan sar rakh diya

ai junūñ ham ne kahāñ sar rakh diyā

phir kisī ko but banā kar rakh diyā

'ishq ne mujh ko liTāyā aag par

aur phir siine pe patthar rakh diyā

likh diyā tum ne qafas taqdīr meñ

noch kar maiñ ne bhī shahpar rakh diyā

maiñ ne mai chhoḌī thī jis ke naam par

phir usī ne lā ke sāġhar rakh diyā

mujh ko jis se zindagī kī aas thī

us ne hī gardan pe ḳhanjar rakh diyā

'shauq' us ke ho ga.e ham sab yatīm

dast-e-shafqat jis ne sar par rakh diyā

ai junun hum ne kahan sar rakh diya

phir kisi ko but bana kar rakh diya

'ishq ne mujh ko liTaya aag par

aur phir sine pe patthar rakh diya

likh diya tum ne qafas taqdir mein

noch kar main ne bhi shahpar rakh diya

main ne mai chhoDi thi jis ke nam par

phir usi ne la ke saghar rakh diya

mujh ko jis se zindagi ki aas thi

us ne hi gardan pe KHanjar rakh diya

'shauq' us ke ho gae hum sab yatim

dast-e-shafqat jis ne sar par rakh diya